Zoram Today May 29th, 2024 (Wed): Vawiin khan Mizoram Pradesh Congress Committee President Pu Lal Thanzara ruahman angin MPCC chuan tunhnaia Mizoram hmun hrang hranga chhiatna thleng vanga nunna chan te ralna cheng 5000 theuh pek an ni a. He chhiatna thleng tuartu veng YMA te hnenah cheng 10000 theuh pek an ni bawk, niin MPCC thuchhuah chuan a tarlang.

MPCC chuan, "Cyclone Remal tleh avanga ruahsur nasa takin Mizoramah chhiatna nasa tak a rawn thlen a. Mi tam takin nunna an chan a, mi tamtakin hliam an tuar a, in leh lo an chan a, thlanmual min avang ten veng tamtak an buai hle bawk. Heng thlil thleng zawng zawng hi MPCC chuan pawi a ti em em a, lusun chhungte pawh a tuarpui a, hliam tuar te pawh lo dam leh thuai se a duh a ni," an ti. 

"Hetianga khuarel chhiatna a lo thlen changa Mizo tlawmngaihna parvul tir a, mawhphurhna la thin YMA kan nei hi kan vannei hle a. An ni hian fak leh chawimawi an phu hle a ni. Chhungkaw tam tak chhiatna tawk mek te an thla a muang a, Congress party chuan YMA te kan chhuang em em a ni," tiin an tarlang.